Fragoun(-de-printèms)
Potentilla verna
Rosaceae
Noms en français : Potentille de printemps, Potentille de Neumann.
Descripcioun :Aquest fragoun flouris d'ouro, emé de bèlli flour jauno, à la debuto dóu printèms sus li colo roucaiouso de garrigo. La planto rebalo au sòu e èi proun bourrihudo d'en pertout. Li fueio, di cinq fuioun, soun bèn verdo.
Usanço :Ei couneigu pèr lucha contro la cagagno e pèr sarra li car (presènci de tanin) .
Port : Erbo
Taio : 5 à 20 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo
Gènre : Potentilla
Famiho : Rosaceae
Ordre : Rosales
Coulour de la flour :
Jauno
Petalo : 5
Ø (o loungour) flour : 10 à 18 mm
Flourido : Printèms
Ivèr
Sòu : Ca
Autour basso e auto : 0 à 2500 m
Aparado : Noun
Mars à jun
Liò : Roucaio
- Garrigo
- Tepiero seco
Estànci : Termoumediterran à Coulinen
Couroulougi : Éuroupenco
Ref. sc. : Potentilla verna L., 1753
(= Potentilla tabernaemontani Asch., 1891 = Potentilla neumanniana Rchb., 1832 )
Cardoun(-di-pecou-nus)
Carduus defloratus
Asteraceae Compositae
Nom en français : Chardon à pédoncules nus.
Descripcioun :Aquéu cardoun trachis en mountagno dins lis esboudèu o enca li tepiero roucaiouso. Fai de mato gaire sarrado d'ounte sorton de flour coumpausado pourtado pèr de pecou nus, valènt-à-dire sènso fueio, o quàsi, mai pelouso (fotò). Li bratèio soun pougnènto, pulèu longo e d'un cop estrecho. Dos meno iston au nostre mai tout acò èi pancaro bèn clar : la subsp. carlinifolius, aqui presentado, a un pecou que fai pas souvènt mai de 5 cm, alor que defloratus fai mai de 10 cm en generau. Pamens i'a d'intermediàri que ié dison la subsp. medius.
Usanço :Tóuti li cardoun soun manjadis, majamen li tijo, pamens avèn pas d'entresigne sus d'usanço couneigudo pèr lou cardoun-di-pecou-nus.
Port : Grando erbo
Taio : 15 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo
Gènre : Carduus
Famiho : Asteraceae
Famiho classico : Compositae
Tribu : Cardueae
Ordre : Asterales
Coulour de la flour :
Roso
Petalo : >6
Ø (o loungour) enflourejado : 3 cm
Flourido :
Estiéu
Sòu : Ca
Autour basso e auto :
Pancaro entresigna
Aparado : Noun
Liò : Esboudèu
- Roucaio
- Tepiero roucaiouso
Estànci : Mountagnard à Aupen
Couroulougi : Ouroufito-Sud-Ouèst-Éuroupenco
Ref. sc. : Carduus defloratus L., 1753
